Ұлттық құқық қорғау орталығында бірлескен азаматтарды қабылдау өткізілді

Адам құқықтары жөніндегі ұлттық орталықтың басшысы Динара Таженова Республикалық жеке сот орындаушылары палатасы төрағасының орынбасары Ерлан Онтаевпен және Шымкент қаласы Әділет департаментінің басшысы Айнұр Исабековамен бірлесіп, сот актілерінің орындалмауы мәселесі бойынша азаматшаны қабылдады.

Кездесу барысында қатысушылар істің мән-жайын жан-жақты зерделеп, өтініш берушіге толыққанды құқықтық түсіндірмелер берді және қолданыстағы заңнама шеңберінде оның заңды құқықтары мен мүдделерін қорғау бойынша алдағы іс-қимылдарды айқындады.

Азаматтарды қабылдаудың мұндай бірлескен форматы уәкілетті мемлекеттік органдар мен ұлттық құқық қорғау институтының тікелей өзара іс-қимылының арқасында азаматтардың күрделі құқықтық мәселелерін жедел шешуге мүмкіндік береді.