Қазақстан Республикасындағы Адам құқықтары жөніндегі уәкілдің Шымкент қаласы бойынша өкілі Н.Абдезов, әкімдік жанындағы кәмелетке толмағандардың істері және олардың құқықтарын қорғау жөніндегі комиссиясына қатысты

2025 жылғы 2 қазанда Қазақстан Республикасындағы Адам құқықтары жөніндегі уәкілдің Шымкент қаласы бойынша өкілі Н.Абдезов, әкімдік жанындағы кәмелетке толмағандардың істері және олардың құқықтарын қорғау жөніндегі комиссиясына қатысты.
Отырыс күн тәртібінде келесі мәселелер қаралды:
1. Кәмелетке толмағандар арасында ерте жүктіліктің алдын алу туралы – Білім басқармасы басшысының орынбасары Г. Дарыбаева баяндама жасады;
2. Әлеуметтік жағдайы төмен және мүмкіндігі шектеулі балаларға әлеуметтік жұмыстардың профилактикасы туралы – Жұмыспен қамту және әлеуметтік қорғау басқармасының басшысы Ж. Өтебаева баяндады;
3. Кәмелетке толмағандардың отбасында тұру және тәрбиелену құқықтарын іске асыруға жәрдем көрсету шаралары туралы – Полиция департаменті Жергілікті полиция қызметі басқармасы бастығының орынбасары Е. Ниязов баяндады;
4. Балаларды зорлық-зомбылықтан қорғау, суицидтің алдын алу және олардың құқықтары мен әл-ауқатын қамтамасыз ету жөніндегі 2023–2025 жылдарға арналған кешенді жоспарды іске асыру туралы – Білім басқармасы басшысының орынбасары Г. Дарыбаева баяндама жасады.
🔹 Отырыс барысында кәмелетке толмағандардың құқықтарын қорғау саласындағы өзекті мәселелер талқыланып, мемлекеттік органдардың бірлескен іс-қимылдарын жетілдіру бойынша ұсыныстар айтылды.
🔹 Комиссия жұмысы балалардың құқықтары мен заңды мүдделерін қамтамасыз етуге бағытталған іс-шараларды одан әрі жүйелі түрде жүзеге асыруға мүмкіндік береді.