«Зорлық-зомбылыққа қарсы күрестің 16 күн» Халықаралық акциясы басталды

26.11. 2025 жылы "зорлық-зомбылыққа қарсы күрестің 16 күні" Халықаралық акциясы аясында "Отбасы-береке мекенім" форумы өтті.

"Гендерлік зорлық — зомбылыққа қарсы 16 күндік белсенді әрекет" - бұл 25 қарашада, әйелдерге қатысты зорлық-зомбылықты жою үшін халықаралық күрес күнінде басталатын және адам құқықтары күні 10 желтоқсанға дейін жалғасатын жыл сайынғы халықаралық науқан.

 Науқанды 1991 жылы бірінші Жаһандық Әйелдер көшбасшылығы институтының белсенділері құрды және жыл сайын Жаһандық Әйелдер көшбасшылығы орталығы үйлестіруді жалғастыруда. Оны бүкіл әлемдегі адамдар мен ұйымдар әйелдер мен қыздарға қатысты зорлық-зомбылықтың алдын алуға және жоюға шақыру үшін ұйымдастырушылық стратегия ретінде пайдаланады.

Іс-шараға мемлекеттік органдар мен үкіметтік емес ұйымдардың өкілдері, облыстық және республикалық "Мерейлі отбасы" конкурсының қатысушылары, студенттер қатысты.

Форумға қатысушылар балалар мен әйелдердің құқықтарын қорғау мен қауіпсіздігін қамтамасыз етудің өзекті мәселелерін, сондай-ақ жастар арасында нөлдік төзімділік қағидатын дәріптеу қажеттігін талқылады.