Омбудсмен институты мен Еуропа Кеңесінің бірлескен тренингі: шағымдарды қарау дағдыларын жетілдіру

Адам құқықтары жөніндегі ұлттық орталық пен Еуропа Кеңесі құқық қорғау институтының әлеуетін арттыруға бағытталған жоба аясында Уәкіл аппараты мен оның өңірлік өкілдері үшін тренинг өткізді.

🔵Екі күндік оқыту іс-шарасы өтініштерді қарау бойынша практикалық дағдыларды жетілдіруге және тиімді тәсілдерді енгізуге бағытталды. Қатысушылар адам құқықтары саласындағы халықаралық стандарттарды талдап, өтініштерді қараудың ұлттық және халықаралық тетіктеріндегі айырмашылықтар мен ұқсастықтарды, сондай-ақ тәжірибеден алынған нақты мысалдарды талқылады.

🔵Бағдарлама аясында шағымдармен жұмыс істеудің негізгі аспектілері қарастырылды: құқық түрлері мен өтініш берушілер санаттары бойынша жіктеу, өтініштердің қабылдауға жарамдылығын бағалау, құқықтық талдау жүргізу және ұсынымдар әзірлеу.

⏩Сондай-ақ рәсімдердің қолжетімділігі мен құпиялылығын қамтамасыз етуге, өтініштерді қарау мерзімдерінің сақталуына ерекше назар аударылды.

🔵Бағдарламаның маңызды құрамдас бөлігі – шағымды адам құқықтарын қорғаудың пәрменді құралы ретінде қарастыру болды.

🔵Қатысушылар өтініштермен сапалы жұмыс істеудің бұзылған құқықтарды қалпына келтіруге, қайталанатын құқықбұзушылықтардың алдын алуға және адам құқықтарына құрмет мәдениетін қалыптастыруға қалай ықпал ететінін талқылады.

🔵Тренинг құқық қорғау институтының жұмысын нығайту және оның құқық қорғау қызметінің тиімділігін арттыруға бағытталған жүйелі жұмыстың бір бөлігі болды.