Маңғыстау облысы бойынша ҚАЖ департаментінің №77 мекемесінде құқықтық түсіндіру жұмысы жүргізілді

2025 жылғы 24 сәуірде Маңғыстау облысындағы Адам құқықтары жөніндегі уәкілдің Маңғыстау облысы бойынша өкілі А. Кужиев Қоғамдық бақылау комиссиясының мүшесі Р. Абдқадыровпен бірге Маңғыстау облысы бойынша ҚАЖ департаментінің №77 мекемесіне барды.

Мекеме әкімшілігінің бастамасымен ұйымдастырылған бұл сапардың мақсаты – сотталғандар мен мекеме қызметкерлеріне адамның және сотталғандардың құқықтары туралы түсіндіру жұмыстарын жүргізу болды. Кездесу барысында бостандығынан айырылған орындарда адам құқықтарының сақталуы, сотталғандардың құқықтары, сондай-ақ ізгілікпен қарау және ар-намысты қорлайтын немесе қатігез әрекеттерге жол бермеу мәселелері талқыланды.

Мұндай іс-шаралар құқықтық сауаттылықты арттыруға және қылмыстық-атқару жүйесінде құқықтық қорғау тетіктерін нығайтуға ықпал етеді.