«ДЕНСАУЛЫҚ — ӘР АЗАМАТТЫҢ ҚҰҚЫҒЫ» СПОРТТЫҚ ЭСТАФЕТАСЫ ӨТКІЗІЛДІ

Тәуелсіз Мемлекеттер Достастығындағы «Денсаулық және адам құқықтары апталығы» аясында Қызылорда облысының дене шынықтыру, спорт және туризм басқармасына қарасты «Жалаңтөс Баһадүр Сейтқұлұлы атындағы олимпиадалық резервтің облыстық мамандандырылған мектеп-интернат-колледжі» коммуналдық мемлекеттік мекемесі базасында «Денсаулық — әр азаматтың құқығы» атты спорттық эстафета өткізілді.

          Іс-шараға Қазақстан Республикасындағы Адам құқықтары жөніндегі уәкілдің Қызылорда облысы бойынша өкілі Берікбол Ұзақұлы Байхожаев қатысып, кіріспе сөз сөйлеп, «Денсаулық және адам құқықтары апталығының» мән-маңызын түсіндіріп, қатысушыларға сәттілік тіледі.

          Эстафета 7–8 сынып оқушылары арасында өтті. Жалпы 5 команда қатысып, әр команда 5 оқушыдан құралды. Жарыс 4 кезең бойынша ұйымдастырылып, қатысушылар өздерінің жылдамдығы мен ептілігін, сондай-ақ командалық үйлесімділігін көрсетті.

          Аталған іс-шара салауатты өмір салтын насихаттауға, жастардың құқықтық сауаттылығын арттыруға және денсаулықтың адам құқықтарының маңызды құрамдас бөлігі екенін түсіндіруге бағытталған.

          #Денсаулық_және_Құқықтар_ТМД

          #АдамҚұқықтары

          #Қызылорда