Әйелдердің құқықтары тек теңдік мәселесі ғана емес, сонымен қатар тұрақты дамудың, қоғамдық тұрақтылық пен бейбітшіліктің негізі болып табылады
Әйелдердің құқықтары тек теңдік мәселесі ғана емес, сонымен қатар тұрақты дамудың, қоғамдық тұрақтылық пен бейбітшіліктің негізі болып табылады. Әйелдер диалог мәдениетін қалыптастыруда, қоғамдағы сенімді нығайтуда, өскелең ұрпақты тәрбиелеуде, білім беруді, денсаулық сақтауды және азаматтық бастамаларды дамытуда шешуші рөл атқарады. Олардың шешім қабылдау, жанжалдардың алдын алу және шешу процестеріне қатысуы адам құқықтары мен жеке адамның қадір-қасиетін құрметтеуге негізделген салмақты, әділ және ұзақ мерзімді шешімдерге ықпал етеді.
Қоғамдық, саяси және экономикалық өмірде әйелдер үшін тең мүмкіндіктерді қамтамасыз ету - бұл Қазақстан Республикасының конституциялық кепілдіктері мен халықаралық міндеттемелерін тікелей іске асыру. Әйелдер басқару және қоғамдық бақылау процестеріне белсенді қатысқан кезде, әлеуметтік келісім нығаяды, шиеленіс деңгейі төмендейді, мемлекет институттарының тұрақтылығы артады.
Қазақстан Республикасындағы Адам құқықтары жөніндегі уәкіл әйелдердің құқықтарын қорғауда және ілгерілетуде маңызды рөл атқарады. Омбудсмен институты өтініштерді қарайды, бұзылған құқықтарды қалпына келтіруге жәрдемдеседі, мониторингтер жүргізеді, заңнаманы жетілдіруге және құқықтық мәдениетті қалыптастыруға қатысады.
Әйелдердің құқықтары туралы хабардарлықты арттыру, оларды қорғау тетіктерін дамыту және олардың қоғамдық өмірге белсенді қатысуын қолдау - бейбітшілікті, әділеттілікті және қауіпсіздікті нығайтуға қосқан үлесі.