Адам құқықтары жөніндегі ұлттық орталықтың өкілі болашақ мемлекеттік қызметшілерге дәріс оқыды

Қазақстан Республикасы Президентінің жанындағы Мемлекеттік басқару академиясында алғаш рет мемлекеттік қызметке қабылданған тыңдаушыларға арналған дәріс өтті.

«Адам құқықтарын қорғау саласындағы заманауи сын-қатерлер» тақырыбында дәріс оқыған – Қазақстан Республикасындағы Адам құқықтары жөніндегі ұлттық орталықтың өкілі.

Кездесу барысында қазіргі адам құқықтары жүйесінің алдында тұрған негізгі сын-қатерлер қарастырылды: цифрландыру, көші-қон үдерістері, климаттың өзгеруі, қауіпсіздік мәселелері және әлеуметтік теңсіздік.

Мемлекеттік қызметшілердің азаматтардың құқықтары мен бостандықтарын қамтамасыз етудегі рөліне ерекше назар аударылды. Сондай-ақ олардың күнделікті қызметінде құқықтық тәсілді қолданудың маңыздылығы атап өтілді.

Мұндай іс-шаралар — Уәкіл аппараты жүзеге асырып отырған құқықтық ағарту қызметінің маңызды бағыттарының бірі.