"Адам құқықтары мен азаматтық қоғамды дамыту бағытында Баян Жалмағанбетова мен Марат Әзілханов кездесті"

"Адам құқықтары мен азаматтық қоғамды дамыту бағытында Баян Жалмағанбетова мен Марат Әзілханов кездесті"

Адам құқықтары жөніндегі өкіл Баян Жалмағанбетова Қазақстан Халқы Ассамблеясы Төрағасының орынбасары Марат Әзілхановпен кездесті. Кездесу барысында азаматтардың құқықтарын қорғау және Қазақстандағы азаматтық қоғамды дамытуға қатысты маңызды мәселелер талқыланды.

Баян Жалмағанбетова халық арасында құқықтық сана деңгейін арттыру және адам құқықтарын қорғау үшін түрлі институттар арасындағы ынтымақтастықтың маңыздылығын атап өтті. Марат Әзілханов әлеуметтік ахуалды жақсартуға және халықтың осал топтарын қолдауға бағытталған бірлескен бастамалардың қажеттігін сөз етті.

Екі тарап елдегі адам құқықтарын нығайту және барлық азаматтар үшін әділдікті қамтамасыз етуге ықпал ететін бірқатар әлеуметтік бағдарламаларды іске асыруға және одан әрі ынтымақтастық жасауға дайын екендіктерін білдірді.