Қазақстан Республикасындағы Адам құқықтары жөніндегі уәкілдің өкілі Мырзахметов атындағы университет студенттерімен кездесу туралы

Ақмола облысы бойынша Омбудсмен өкілі Гүлнара Жанбекова Мырзахметов атындағы университеттің студенттерімен кездесу өткізді. Кездесу барысында бас бостандығынан айыру орындарында жазасын өтеп жатқан сотталғандардың құқықтарының сақталуы мәселелері талқыланып, Омбудсмен институтының өкілеттіктері жөнінде түсініктемелер берілді.
Кездесудің негізгі тақырыбы – жазаны өтеу жағдайларындағы сотталғандардың құқықтары мен міндеттері болды. Атап айтқанда: ізгі қарым-қатынас жасау және азаптаудан қорғалуға құқық, медициналық көмекке, білім алуға, еңбек етуге және әлеуметтік қолдауға қол жеткізу, шағым беру және қадағалаушы органдарға жүгіну рәсімдері, қылмыстық-атқару заңнамасына сәйкес сотталғандардың міндеттері.
Студенттерге Адам құқықтары жөніндегі уәкілдің қызметі туралы шолу ұсынылды, оған мыналар кірді: азаматтардың шағымдарын қабылдау және қарау тетігі, бас бостандығынан айыру орындарына мониторинг жүргізуге қатысу, мемлекеттік органдармен, халықаралық және қоғамдық ұйымдармен өзара іс-қимыл, сондай-ақ Қазақстандағы адам құқықтарын ілгерілетудегі уәкілдің рөлі.
Кездесу интерактивті форматта өтті. Қатысушылар адам құқықтарының құқықтық аспектілері мен қылмыстық-атқару жүйесі мекемелеріндегі азаматтардан келіп түсетін өтініштермен жұмыс істеу тәжірибесі туралы сұрақтар қойды.
Кездесу қорытындысында студенттер адам құқықтары тақырыбын тереңірек зерттеуге қызығушылық танытып, ағартушылық және құқық қорғау жобаларына қатысуға ниет білдірді.