Отбасылық байланыстарды қалпына келтіру – түзеу жолы

Қазақстанның қазіргі қылмыстық-атқару жүйесі гуманизация мен реформалаудың белсенді кезеңінде тұр. Осындай жұмыстың басты бағыттарының бірі – отбасылық байланыстарды қалпына келтіру және нығайту болып табылады. Қылмыстық-атқару жүйесі мекемелеріндегі тәрбие жұмысы – бұл тек режим мен бақылау емес.
Ақмола облысының тәжірибесі көрсетіп отырғандай, отбасылық байланыстарға көңіл бөлу адам бойындағы адамгершілікті сақтап қалуға көмектеседі, үміт пен қоғамға оралу үшін күш береді.
С… ауыр қылмыс жасағаны үшін жазасын өтеуде. Ол екі жылдан бері 7 жасқа толған ұлын көрмеген. Бала – балалар үйінде. Анасы ата-ана құқығынан айырылған. С…-ді ұстап тұрған жалғыз нәрсе – БАЛАСЫ ТУРАЛЫ ОЙ.
🎂 Бала туған күні мекеме қызметкерлері бейнеқоңырау ұйымдастырды. Қысқа ғана, бірақ баға жетпес сәт. Дауыс, көзқарас, күлкі – С…-дің ішкі дүниесін төңкеріп жіберді.
📲 Бұл бірнеше минут оның өмірін өзгертетін стимулға айналды. Ол өзін тек сотталған адам емес, әке ретінде қайта сезінді.
Бұл жай ғана құттықтау емес – бұл жылдар бойғы айырылыс пен түрме қабырғалары арасындағы көпір болды.
Қазақстан Республикасы заңнамасы сыртқы ортамен байланысты түзетудің бір құралы ретінде мойындайды, ал телефон арқылы сөйлесу мен бейнебайланыс тәжірибесі заңды негізде бекітілген.
Қазақстан Республикасының Қылмыстық-атқару кодексінің 7-бабы сотталғандарды түзеудің негізгі құралдарын айқындайды. Олардың ішінде – «оң әлеуметтік байланыстарды сақтау». Кодекстің 109-бабы телефон арқылы сөйлесуді реттейді: сотталған адамға мекеме ішкі тәртібіне сәйкес күніне 15 минутқа дейін телефонмен сөйлесуге рұқсат етіледі.
Адам құқықтарының сақталуын мониторингтеу мақсатында Адам құқықтары жөніндегі уәкілдің Ақмола облысы бойынша өкілі қылмыстық-атқару жүйесі мекемелеріне шығу кезінде сотталғандардың заңнамада белгіленген шектерде телефон арқылы сөйлесу құқығына күнделікті және тең дәрежеде қол жеткізуін қамтамасыз етуге ерекше назар аударады.
С…-дің оқиғасы – қысқа ғана қоңыраудың тәрбиелік жұмыстың маңызды бөлігіне айнала алатынының нақты мысалы. Әрбір сотталған адамның артында – жақындарымен байланысын қалпына келтіруге құқығы бар адам тұр. Бұл құқық Қазақстан Республикасының Қылмыстық-атқару кодексімен және сот тәжірибесімен қорғалған. Отбасының қолдауы – бұл артықшылық емес, заңмен бекітілген гуманизмге негізделген түзету құралы.