1 қазан – Қазақстандағы Қарттар күні

1990 жылғы 14 желтоқсанда БҰҰ Бас Ассамблеясының қарарына сәйкес, жыл сайын 1 қазанда дүниежүзінде Халықаралық қарттар күні атап өтіледі. Қазақстан Республикасында бұл күн ерекше мәнге ие. Қарт адамдарға құрмет көрсету, аға буынға қамқорлық жасау – қазақ мәдениеті мен ұлттық дәстүрлердің ажырамас бөлігі. Мемлекет зейнеткер азаматтарға әлеуметтік қолдау көрсетіп, белсенді қартаюға, өмір сүру сапасын жақсартуға және лайықты қарттыққа жағдай жасауда.

Бүгінде Қазақстанда миллиондаған зейнеткер азаматтар тұрады. Мемлекеттік әлеуметтік саясат аясында егде жастағы адамдарға ерекше қолдау көрсетіледі.

Ақмола облысында зейнет жасындағы 122 136 адам тұрады. 2025 жылы 34 226 зейнеткерге бір реттік төлем беріледі. Төлем көлемі 2-ден 5 АЕК-ке дейін (7 864–19 660 теңге) болады. Жалпы төлем сомасы 396 миллион теңгеден асады.

Қарт адамдардың құқықтарын қорғауға ерекше назар аударылады. Бұл – Адам құқықтары жөніндегі уәкілдің Ақмола облысы бойынша өкілінің қызметіндегі басым бағыттардың бірі. Өкіл азаматтардың, соның ішінде қарттардың, мемлекеттік органдар мен лауазымды тұлғалар тарапынан құқықтарының бұзылуына қатысты жолданымдарын қарайды. Әлеуметтік қамсыздандыру, медициналық көмек және басқа да кепілдіктер бойынша бұзылған құқықтарды қалпына келтіру шаралары қабылданады. Сонымен қатар, егде жастағы азаматтар үшін құқықтық сауаттылықты арттыру мақсатында белсенді ағартушылық жұмыс жүргізіледі. Бұл санаттағы адамдар жиі осал топқа жатады.

Халықаралық қарттар күні – бұл жай ғана күнтізбедегі дата емес. Бұл – өз өмірін еңбекке, бала тәрбиесіне, қоғамға қызмет етуге арнаған адамдарға шынайы алғыс пен терең ризашылық білдіретін күн. Бұл – әрбірімізге ескерту: қарттарға қамқор болу – тек мемлекеттің ғана емес, әр азаматтың міндеті. Бұл – әлеуметтік әділеттіліктің және қоғамның тұрақты дамуының негізі.