Адам құқықтары жөніндегі ұлттық орталықтың Алматы қаласы бойынша өкілдігі Алматы қаласының қылмыстық-атқару жүйесі департаментімен бірлесіп жұмыс кездесуін өткізді.

Кездесу барысында пенитенциарлық жүйе мекемелеріндегі адамдардың құқықтарын қамтамасыз ету және қорғау мәселелері талқыланды.

Сондай-ақ, ұсталғандардың құқықтарының сақталуына мониторинг жүргізу, медициналық көмекке қол жеткізуді қамтамасыз ету, құқықтық қорғау және ұстау шарттары мәселелері қозғалды.

Кездесуді қорытындылай келе, Алматы қаласы бойынша ҚАЖ департаментінің мекемелерінде жазасын өтеп жатқан адамдардың құқықтары мен заңды мүдделерінің бұзылуына жол бермеу жөніндегі жұмысты жалғастыру туралы шешім қабылданды.