Алматы қаласы бойынша адам құқықтары жөніндегі уәкілдің өкілі Қ. Малдыбаев "Өмірлік қиын жағдайдағы балаларды қолдау орталығы" КММ-де болды.

Орталықтың негізгі мақсаты тұрақты немесе уақытша (бір күндік) болу арқылы қараусыз және панасыз қалған балаларды, ата-анасының қамқорлығынсыз қалған балаларды, сондай-ақ арнаулы білім беру ұйымдарына жіберілетін кәмелетке толмағандарды қабылдауды қамтамасыз ету, қысқа мерзімді күтіп-бағу, бейімдеу және одан әрі орналастыру арқылы арнаулы әлеуметтік қызметтер көрсету болып табылады.

Сапар барысында өкіл өкілдіктің қызметі туралы айтып, балалармен, сондай-ақ мекемедегі адамдардың құқықтары мен заңды мүдделерінің бұзылуына жол бермеу туралы жөнінде орталық басшылығымен әңгімелесті.