Семей қаласының Арнаулы әлеуметтік қызмет көрсету орталығына бару

Адам құқықтары жөніндегі уәкілдің Абай облысы бойынша өкілі Д.Жұмагелдин психоневрологиялық патологиясы бар адамдарға арнаулы әлеуметтік қызметтер көрсететін Семей қаласының №1 Арнаулы әлеуметтік қызметтер көрсету орталығына барды.

Бару барысында барлық тұрғын және тұрмыстық үй-жайларды аралау жүргізілді, ұстау, тамақтану, медициналық қамтамасыз ету шарттары тексерілді.

Орталықтың басшылығымен және қызметкерлерімен заңнамалық новеллалар, адам мен азаматтың қырық іргелі құқықтары, сондай-ақ азаптаудың және басқа да адамгершілікке жатпайтын, қатыгез немесе ар-намысты қорлайтын қарым-қатынас түрлерінің алдын алу мәселелері бойынша түсіндіру жұмыстары жүргізілді.

Превентивтік бару нәтижелері бойынша Абай облысы бойынша жұмыспен қамтуды үйлестіру және әлеуметтік бағдарламалар басқармасына ұсынымдар жолданды.