Қазақстан Республикасы Президентінің және облыс әкімінің атынан шырша мерекесі
Жаңа жыл-қуаныш, көңілді, ғажайыптар мен сиқырдың уақыты. Бұл мерекені әрдайым бәрі асыға күтеді: ересектер де, балалар да.
Өткен жыл елімізде ерекше болды – Мемлекет Басшысы Қасым-Жомарт Тоқаевтың шешімімен 2022 жыл- Балалар жылы болып жарияланды.
2022 жылғы 25 желтоқсанда Қазақстан Республикасы Президентінің атынан " Қош келдің, Жаңа жыл-жаңа белес, жаңа арман!», сондай-ақ, 25 және 26 желтоқсанда Абай облысының әкімі атынан жаңа жылдық шыршалар өтті.
Жаңа жылдық тұсаукесерде барлық балаларды облыс әкімінің орынбасары Байбеков Шалкар Заманбекұлы құттықтады, ол біздің балаларымыздың бақыты мен күлкісінен маңызды ештеңе жоқ екенін және біз ересектер, балалардың осы әлемді үйренуі, дамытуы және білуі үшін барлық жағдай жасауға тырысамыз деп атап өтті.
Биылғы жылы қызықты мерекелік бағдарламаға ата-анасының қамқорлығынсыз қалған жетім балалар, аз қамтылған және көп балалы отбасылардан шыққан балалар, ерекше білім беру қажеттіліктері бар балалар, сондай-ақ оқуда, спортта, шығармашылықта немесе қоғамдық өмірде жетістікке жеткен дарынды балалар қатарынан 9 жастан 13 жасқа дейінгі 450 бала қатысты.
Мерекенің ерекше атмосферасын құру үшін балаларға "Жаңа жылдық ғажайыптар аттракционы" станциялары бойынша саяхат ұйымдастырылды. 2023 жылдың рәміздері, Балалар биологиялық орталығының кішкентай үй қояндары, барлық балаларды "Жаңа жылдық эко-қиял" станциясындағы тыныштығымен баурап алды. Ертегі кейіпкерлері мен аниматорлар балаларға арналған "Арманға Жаңа жылдық рейстер", "Жаңа жылдық VR-саяхаттар", "Жаңа жылдық ТИК-ТОК" станцияларында интерактивті ойындар мен музыкалық конкурстар өткізді.
Барлық балалар бір сәтте ғажайыптар мен сиқырдың жарқын мерекесіне тап болды, онда олар жаңа жылдық шыршада Аяз Ата, Ақшақар және басқа да ертегі кейіпкерлерімен кездесті. Қаланың театр ұжымдарының, Балалар мен жастар шығармашылығы сарайының шығармашылық ұжымдарының, Балалар балет мектебінің қойылымдары мерекенің сәніне айналды.
Жаңа жылда жаңа жеңістер тілеген қаланың танымал тұлғаларынан бейне құттықтаулар айтылды.
Жаңа жылдық шыршалардың әрбір қатысушысы тәтті сыйлық пен ноутбук сертификатын алды, ал Президент атынан өткен шыршаға қатысушылар қосымша кітап пен құттықтау открыткасын алды.