8 наурыз – Халықаралық әйелдер күні

6 наурыз күні Новодолинский кентінің Мәдениет үйінде көктем мерекесі – 8 наурыз Халықаралық әйелдер күніне арналған салтанатты іс-шара өтті. Новодолинский кентінің әкімі Е.С. Исатаев барлық қатысушы әйелдерді көктем мерекесімен құттықтап, 8 наурыз – әйелдерге деген терең құрмет пен алғыс білдіретін мереке екенін атап өтті. Ол әйелдердің шынайы мейірімі, жан жомарттығы мен шексіз махаббатын айналасына әрдайым аямай сыйлайтынын айтты.

Іс-шара барысында нәзік жандыларды кент әкімі атынан Құрмет грамотасымен марапаттаудың салтанатты рәсімі өткізілді.

Мәдениет үйінің шығармашылық ұжымы «Көктем әуені» атты мерекелік музыкалық бағдарламаны ұсынды.

Іс-шараны ұйымдастыру мен өткізуге әкім аппараты, Мәдениет үйі және Жастар ресурстық орталығы қатысты. Барлық ұйымдастырушылар мен қатысушыларға тамаша көңіл күй мен көктемгі шаттыққа толы мерекелік атмосфера қалыптастырғаны үшін алғыс білдіреміз.

«Новодолинский кенті әкімінің аппараты» ММ