Мал заңмен қорғалады: Жетісу облысында мал ұрлығының алдын алу шаралары күшейтілуде

Жетісу облысында полиция қызметкерлері қоғамдық қауіпсіздікті қамтамасыз етудің барлық бағыттарын қамтитын кешенді профилактикалық жұмыстарды тұрақты түрде жүргізуде. Ерекше назар мал ұрлығына қарсы күреске аударылуда — бұл қылмыс азаматтардың материалдық жағдайына ғана емес, сонымен қатар дәстүрлі өмір салтының негіздеріне де кері әсер етеді.

Осы орайда, Көксу ауданында полиция қызметкерлері сатылымға шығарылған малды, сондай-ақ тасымалданып жатқан жануарларды тексеру жұмыстарын ұйымдастырды. Іс-шаралар барысында құжаттар мұқият салыстырылып, таразылау жүргізіліп, өнімнің заңды шығу тегі анықталуда. Мұндай шаралар заңсыз айналымның жолын кесуге және адал мал иелерін қорғауға бағытталған.

Мал және ет өнімдері ежелден халқымыздың мәдениеті мен күнделікті өмірінде маңызды орын алып келеді. Сондықтан бұл саладағы ашықтық пен заңдылықты қамтамасыз ету — құқық қорғау органдарының басым міндеттерінің бірі.

«Біздің негізгі мақсатымыз — құқық бұзушылықтарды барынша азайтып, қылмысты нөлдік деңгейге дейін төмендету. Тек бірлескен күш-жігер арқылы біз тәртіпті сақтап, ауыл тұрғындарының еңбегін қорғап, қоғамның сенімін нығайта аламыз», — деп атап өтті полиция өкілдері.

Профилактика — бір реттік шара емес, тұрақты назар мен белсенді қатысуды талап ететін жүйелі жұмыс. Бүгінде полиция қызметкерлері әрбір тұрғын өзін қауіпсіз сезінуі үшін, ал заң мен тәртіп қоғамның мызғымас құндылықтары болып қалуы үшін бар күш-жігерін жұмсауда

#законипорядок #заңментәртіп #профилактика