Бақылау және қауіпсіздік: Талдықорғанда көші-қон заңнамасын бұзу деректері анықталды

Талдықорған қаласында «Заңсыз» республикалық жедел-профилактикалық іс-шарасы аясында полиция қызметкерлері көші-қон заңнамасының сақталуын қамтамасыз етуге бағытталған кешенді тексеру жұмыстарын жүргізді.

Іс-шара барысында 27 шетелдік азамат анықталды. Тексеру нәтижесінде қабылдаушы тарапынан заң бұзушылықтар тіркелді — шетелдік жұмыс күшін және еңбек иммигранттарын заңсыз тарту фактілері анықталды. Кінәлі тұлғалар Қазақстан Республикасының заңнамасына сәйкес әкімшілік жауапкершілікке тартылды.

Құқық қорғау органдары көші-қонды бақылау мәселелері қоғамдық қауіпсіздік пен тұрақтылықты қамтамасыз етудегі басым бағыттардың бірі болып қала беретінін атап өтті.

«Заңға қайшы келетін заңсыз әрекеттер, әсіресе көші-қон саласындағы құқық бұзушылықтар, елдің ұлттық және аумақтық қауіпсіздігіне қауіп төндіреді. Осыған байланысты құқық қорғау органдары көші-қон заңнамасының сақталуына тұрақты бақылау жүргізуде», — деп атап өтті полицияда.

Аталған бағыттағы профилактикалық жұмыстар жалғасуда. Полиция қызметкерлері профилактикалық іс-шаралар өткізіп, заңнама талаптарын түсіндіруде және құқық бұзушылықтардың алдын алу бойынша шаралар қабылдауда.

#законипорядок #заңментәртіп