ҚҰРМЕТТІ ЖЕТІСУ ОБЛЫСЫНЫҢ ТҰРҒЫНДАРЫ МЕН ҚОНАҚТАРЫ!

26 ақпан күні сағат 08:00-ден бастап Талдықорған қаласының аумағында құқық қорғау органдарының жедел-тактикалық оқу-жаттығулары өткізіледі. Осыған байланысты қала аумағында көлік қозғалысына уақытша шектеулер енгізіледі. Іс-шараның мақсаты – құқық қорғау және арнайы органдардың күштері мен құралдарының түрлі қауіп-қатерлерге ден қою дайындығын тексеру.

Оқу-жаттығу жауынгерлік жағдайға барынша жақын жағдайда, әртүрлі күрделілік элементтерімен өтеді. Осыған байланысты азаматтарды түсіністікпен қарап, оқу-жаттығу барысында автокөлік пен жаяу жүргіншілер қозғалысына қойылатын уақытша шектеулерге сабырлылық танытуға, қауіпсіздік шараларын сақтауға және мемлекеттік қызметкерлердің заңды талаптарын орындауға шақырамыз.

Жетісу облысы ПД баспасөз қызметі.