Талдықорған студенттері киберқатерлер мен желідегі қауіпсіздік туралы білді

Жастармен профилактикалық жұмыс аясында Жетісу облысы Полиция департаментінің бірінші орынбасары Сапар Бауыржан киберполиция басшылығы және Полиция басқармасы орынбасарымен бірлесіп Талдықорған қаласындағы «Сервис және технология» колледжінің студенттері үшін маңызды дәріс өткізді.

Кездесу барысында басты тақырып жастарды алаңдататын қазіргі заманғы қатерлер болды: буллинг және кибербуллинг, ұрлық пен тонау, сондай-ақ дропперлер — интернет арқылы заңсыз қаражат алу мәселесі. Арнайы назар қылмыстық жауапкершілік жасына және құқыққа қарсы әрекеттердің салдарына аударылды.

«Біз жастардың тек қана құқықбұзушылықтың қауіптілігін емес, өз әрекеттері үшін жауапкершілікті де түсінуін қалаймыз. Киберқатерлер нақты және олардан кейін ауыр құқықтық салдар туындауы мүмкін екенін білу маңызды», — деді Сапар Бауыржан.

Студенттерге желідегі өз деректерін қорғау жолдары және құқыққа қарсы әрекеттерге тап болған жағдайда қалай әрекет ету керектігі туралы практикалық кеңестер берілді. Бұл дәріс полицияның жастар арасындағы қылмыстың алдын алу және құқықтық мәдениетті қалыптастыру бағытындағы кешенді жұмысының маңызды бөлігі болды

#законипорядок #заңментәртіп