Жетісу облысында «Заң мен Тәртіп» қағидаты аясында есірткі қылмысының алдын алу бойынша кешенді жұмыстар жүргізілуде.

Жетісу облысы ПД Есірткі қылмысына қарсы іс-қимыл басқармасы есірткі өндірісі мен таралуына жол бермеу, сондай-ақ есірткі және күшті әсер ететін заттардың заңсыз айналымын анықтап, жолын кесу бағытында жүйелі шаралар қабылдауда.

Маңызды ақпарат: 2026 жылғы 1 қаңтардан бастап Қазақстанда күшті әсер ететін заттардың заңсыз айналымы үшін, оның ішінде «күлдіретін газ» ретінде белгілі азот тотығын заңсыз сақтау, тасымалдау және өткізу фактілері бойынша қылмыстық жауапкершілік енгізілді.

Полиция ескертеді: күшті әсер ететін заттарды заңсыз әкелу, сақтау немесе өткізу әрекеттері шекарадан бастап соңғы тұтынушыға дейін қатаң бақылауға алынып, заң аясында тоқтатылады.

Азаматтардың денсаулығы мен қауіпсіздігі — басты басымдық.
Бұл бағыттағы жұмыстар жалғасуда.

#ЗаңМенТәртіп #Жетісу #ЕсірткігеЖолЖоқ #қауіпсізқоғам