«Заң мен тәртіп»: Талдықорған студенттері полицейлермен бірге нашақорлық мәселесін талқылады

Талдықорған қаласындағы Агротехникалық колледжде Жетісу облысы Полиция департаментінің Есірткі қылмысына қарсы іс-қимыл басқармасының ұйымдастыруымен дөңгелек үстел өтті. Кездесу «Заң мен тәртіп» тұжырымдамасы аясында өткізіліп, жастар арасындағы нашақорлықтың алдын алуға бағытталды.

Нашақорлық тақырыбы қоғамдағы ең өзекті мәселелердің бірі болып қала береді. Полицейлер студенттерге есірткінің заңсыз айналымына қарсы күрес қалай жүргізілетінін, жастарды қылмыстық әрекеттерге тартудың қандай тәсілдері бар екенін және қылмыскерлердің айласынан қалай сақтануға болатынын түсіндірді.

Іс-шара барысында қатысушыларға есірткіні қолданудың адам өміріне тигізер зиянын көрсететін бейнероликтер және «қалташа» деп аталатын жасырын таратулар жайлы сюжеттер көрсетілді. Әсіресе, өз қателігі үшін өкініш білдірген сотталған азаматтың сұхбаты студенттерге ерекше әсер қалдырды.

Мұндай кездесулер жастардың құқықтық мәдениетін қалыптастыруға және өз болашағына жауапкершілікпен қарауға ықпал етеді. Полиция өкілдері жиынды қорытындылай келе, тәртіп әр адамнан басталатынын және заңды бұзған әрбір әрекет үшін міндетті түрде жауапкершілік болатынын атап өтті.

Шара сенімге толы жылы атмосферада өтті — студенттер белсенді түрде сұрақ қойып, пікір білдіріп, полиция қызметкерлеріне ашық және шынайы әңгіме үшін алғыстарын айтты.

#заңментәртіп #ЖетісуПолициясы #Талдықорған #Жастар #Нашақорлықпенкүрес #Құқықтықмәдениет #законипорядок