«Қауіпсіз жол»: Жетісуда жол қозғалысы ережелерін сақтау бақылауы күшейтілді

15–30 қыркүйек аралығында Жетісу облысында «Қауіпсіз жол» жедел-профилактикалық іс-шарасы өтуде. Ол #ЗАНЖӘНЕТӘРТІП қағидатын жүзеге асыру аясында ұйымдастырылып, жол қозғалысы қауіпсіздігін арттыруға және жүргізушілердің құқықтық мәдениетін нығайтуға бағытталған.

Осы күндері полицейлер жол қозғалысы ережелерінің сақталуына бақылауды күшейтті. Ерекше назар жол-көлік оқиғаларының алдын алуға, құқықбұзушылықтарды анықтауға және жүргізушілермен түсіндіру жұмыстарына аударылуда.

Құқық қорғаушылардың айтуынша, жолда заңды қатаң сақтау – әркімнің міндеті ғана емес, барлық қатысушылар үшін тәртіп пен қауіпсіздіктің кепілі.

Осылайша, «Қауіпсіз жол» акциясы жүргізушілерге тәртіптің, рөлдегі жауапкершіліктің және айналадағы адамдардың өмірі мен денсаулығын қорғаудың маңыздылығын тағы бір мәрте еске салады.