ШҚО тұрғыны есірткі өсімдіктерін заңсыз өсірді деген күдікке ілінді

                                                                                                  ШҚО тұрғыны есірткі өсімдіктерін заңсыз өсірді деген күдікке ілінді

Полиция қызметкерлері өңір прокуратурасының үйлестіруімен жүргізілген жедел іс-шаралар барысында жергілікті тұрғынның үйінен жасыл түсті өсімдіктер табылды.

Сараптама қорытындысына сәйкес, алынған үлгілер құрамында есірткі заты бар өсімдік – каннабис болып шықты.
Сонымен қатар, күдіктіден 700 грамнан астам кептірілген марихуана тәркіленді. Аталған факті бойынша қылмыстық іс қозғалды.

Шығыс Қазақстан облысы Полиция департаменті есірткі құралдарын заңсыз өсіру, сақтау және таратудың қылмыстық жауапкершілікке әкелетінін ескертеді.

Тәртіп сақшылары азаматтарды сақ болуға, сондай-ақ мұндай құқық бұзушылықтар туралы “102” арнасына немесе жақын маңдағы полиция бөліміне хабарлауға шақырады.


                                                                                                                                                                                                               ШҚО ПД баспасөз қызметі