ШҚО полициясы 2024 жылы 1 700-ден астам заңсыз интернет-ресурстарды бұғаттады

                                                                                                   ШҚО полициясы 2024 жылы 1 700-ден астам заңсыз интернет-ресурстарды бұғаттады

Кәмелетке толмағандардың құқықтарын қорғау және заңға қайшы контентпен күресу мақсатында Шығыс Қазақстан облысының полиция қызметкерлері интернет кеңістікті белсенді түрде қадағалап келеді. 2024 жылы тыйым салынған ақпаратты таратқан 1 770 сайт анықталып, бұғатталды.

Бұғаттауға есірткі заттарын ұсынатын, суицидті насихаттайтын, порнографиялық сипаттағы материалдар мен заңсыз онлайн-казино орналастырылған ресурстар анықталды.

2025 жылы бұл бағыттағы жұмыс күшейтілді. Биылғы жылдың алғашқы үш айының өзінде осындай мазмұндағы 3 000-нан астам сілтеме бұғатталды.

ШҚО Полиция департаменті азаматтарды қырағы болуға, күмәнді интернет-сайттар туралы хабарлауға шақырады. Ортақ күш-жігерімізбен өсіп келе жатқан ұрпақ үшін қауіпсіз ақпараттық орта құруға болады.


                                                                                                                                                                                                               ШҚО ПД баспасөз қызметі