ШҚО-да полицейлер жазғы киім үлгісіне көшуде

                                                                                                   ШҚО-да полицейлер жазғы киім үлгісіне көшуде

Шығыс Қазақстан облысының полиция қызметкерлері жазғы киім үлгісіне көшуді бастады. Осыған байланысты облыстық Полиция департаментінде жеке құрамның саптық жиыны өтті.

ШҚО ПД бастығының орынбасары Серік Манапов тәртіп сақшыларының көктем-жаз мезгіліне дайындығын жеке тексеріп, олардың сыртқы келбетін, киім үлгісінің қажетті элементтері мен құжаттарының толық болуын мұқият қарады.

— Киім үлгісін ауыстыру — жай ғана формалдылық емес. Әр қызметкер белгіленген талаптарға сәйкес киініп, қажетті жабдықтармен қамтамасыз етілуі тиіс. Кеуде белгісі, жеке нөмірі бар жетон және қызметтік куәлік – мұның бәрі полицей мәртебесін растап қана қоймай, оның өзін де, айналасындағы адамдарды да тәртіпке шақыратын маңызды элементтер, — деп атап өтті Серік Манапов.

Полицейлердің қызметтік киімі қолданыстағы стандарттарға сай және жылы маусымға бейімделген, бұл қызмет барысында жайлылық пен кәсіби сыртқы келбетті қамтамасыз етеді.


                                                                                                                                                                                                               ШҚО ПД баспасөз қызметі