Ірі көлемде аулаған: Шығыс Қазақстан тұрғыны 200 келіден астам балықты заңсыз тасымалдаған

                                                                                                   Ірі көлемде аулаған: Шығыс Қазақстан тұрғыны 200 келіден астам балықты заңсыз тасымалдаған


Заң бұзушылық фактісі "Браконьер" жедел профилактикалық іс-шарасы барысында анықталды.
Полицейлер «Күршім-Үлкен Нарын» тасжолында 25 жастағы жүргізуші тізгіндеген автокөлікті тоқтатқан. Құжаттарды тексеру кезінде ер адамның 206 келіден астам әртүрлі балық түрін, оның ішінде 85 келі көксерке, 102,6 келі шортан және 78 келі нәлімді қажетті құжаттарсыз заңсыз тасымалдап бара жатқанын анықтаған.
Осылайша, құқық бұзушының әрекеті шамамен 2 миллион теңгедей сомада шығын келтірді.
Қазіргі уақытта аталған факті бойынша сотқа дейінгі тергеу жүргізілуде, оның нәтижелері бойынша нақты процестік шешім қабылданатын болады.
Тәртіп сақшылары табиғи ресурстарды қорғауға қатысты заңдарды сақтаудың маңыздылығын еске салады және азаматтардан браконьерлік туралы қандай да бір ақпарат болса, полицияға хабарлауын сұрайды.



                                                                                                                                                                                                               ШҚО ПД баспасөз қызметі