Шығысқазақстандық полицейлер 94 миллион теңгені ұрлау қылмысын ашты

                                                                                     Шығысқазақстандық полицейлер 94 миллион теңгені ұрлау қылмысын ашты

Облыс орталығындағы кеңселердің бірінен ақша ұрланған.

Ағымдағы жылдың 5 сәуірінде ұрлық фактісі бойынша полицияға арыз түсіп, жәбірленушілер белгісіз біреулер сейфті бұзып, 94 миллион теңгені жымқырғанын хабарлаған.

Қасқөйлер қылмыс орнынан кету жолын алдын ала дайындаған, олар өзенге жеткен соң үрлемелі қайықпен қаланың басқа аймағына жүзіп өткен. Осылайша олар «іздерін жасырғылары» келген, бірақ олардың ойлары іске аспады.

Бірнеше күннен кейін полиция қызметкерлері жедел іздестіру іс-шаралары барысында 45 және 38 жастағы екі күдіктіні ұстады. Олар соттың санкциясымен қамауға алынды. Олардың тұрғылықты жерінен заттай айғақтар – қайық пен ұрланған қаражат тәркіленді.

Қосымша тергеу амалдары жүргізілуде.

                                                                                                                                                                                           ШҚО ПД баспасөз қызметі