ШҚО полицейлері жасөспірімді іздеп тапты

                                                                                     ШҚО полицейлері жасөспірімді іздеп тапты

Полицияға жергілікті тұрғыннан 15 жасар қызын іздеуге көмектесу туралы өтініш келіп түскен. Ол қызының ұялы телефонын үйде қалдырып, үйден кетіп қалғанын, қайтып оралмағанын айтқан.

Полиция қызметкерлері бірден іздеуге кіріскен, біраз уақыттан кейін интернеттегі әлеуметтік желі арқылы мектеп оқушысымен байланысқа шығып, оны үйге оралуға көндіруге тырысқан.

Тәртіп сақшыларының әрі қарайғы әрекеттері арқасында кәмелетке толмаған баланың қайда екенін анықтауға мүмкіндік туды, ол құрбысымен бірге қыдырып және сол үйде түнеп қалған, ал ұялы телефонын ата-анасы ұрыспау үшін үйде қалдырып кеткен.

Полицейлер жасөспіріммен профилактикалық әңгіме жүргізді.

Құрметті ата-аналар, балаларыңызды қадағалаңыздар және оларға мұқият болыңыздар.

                                                                                                                                                                                     ШҚО ПД баспасөз қызметі