Орынсыз әзіл жазаға әкеп соқты

                                                                                    Орынсыз әзіл жазаға әкеп соқты

ШҚО облыстық орталығының полициясына ер адам Өскемен қаласында терракт дайындалып жатқанын хабарлағаны туралы қоңырау келіп түскен.

Полицейлер дереу оқиға орнына барған, тексеруден кейін қоңыраудың жалған екені белгілі болды. Орынсыз әзілдеуші масаң күйдегі 51 жастағы облыс орталығының тұрғыны болып шықты.

Ойнап жүріп от басқан әзілкешке мамандандырылған қызметтерді көрінеу жалған шақырғаны үшін 30 АЕК мөлшерінде айыппұл салынды.

ШҚО Полиция департаменті қоғамдық резонанс пен ықтимал салдарларды ескере отырып, мұндай бұзушылықтар үшін қылмыстық жауапкершілік қарастырылғанын, оның санкциясы 5 жылға дейін бас бостандығынан айыру түріндегі жаза көзделгенін ескертеді.

                                                                                                                                                                                      ШҚО ПД баспасөз қызметі