ШҚО-да ауыл тұрғынынан гашиш пен марихуана тәркіленді

                                                                               ШҚО-да ауыл тұрғынынан гашиш пен марихуана тәркіленді

 

Серебрянск қ. полиция бөлімінің қызметкерлері «Құқықтық тәртіп» ЖПІШ жүргізу кезінде санкцияланған тінту барысында 38 жастағы жергілікті тұрғыннан 14 дана полиэтилен пакеттері мен өсімдік тектес заттары бар қағаз бумасын, сондай-ақ ішінде қара-қоңыр түсті заты бар полиэтилен пакетке оралған литрлік банканы тәркіленді.

Сараптама тәркіленген есірткі заттарының салмағы 348,96 грамм гашиш және салмағы 861,12 грамм марихуана екенін көрсетті.

Аталған факті бойынша ҚР ҚК-нің 296-бабы 4-бөлігі (есірткі құралдарын, психотроптық заттарды, олардың аналогтарын аса ірі мөлшерде өткізу мақсатынсыз заңсыз дайындау, қайта өңдеу, сатып алу, сақтау, тасымалдау ) бойынша сотқа дейінгі тергеп-тексеру жүргізілуде.

                                                                                                                                                                                       ШҚО ПД баспасөз қызметі