Өскеменде полицейлер көпірден секірмек болған жас қызды құтқарды

                                                                                   Өскеменде полицейлер көпірден секірмек болған жас қызды құтқарды

Ертіс өзені арқылы өтетін көпірдің қоршауында ақ күртеше киген белгісіз әйел адамның отырғаны туралы хабарлама 102 арнасына таңғы сағат 4 шамасында келіп түскен.

Оқиға орнына полиция аға лейтенанты Мират Мұратқанов пен оның серіктесі аға лейтенант Біржан Айтмұхашевтің құрамындағы патруль келген.

Тәртіп сақшылары қызды қатты эмоционалды күйде көрді, ол өз өмірін қимақшы болып, ешкімнің жақындауына жол бермеді.

Полицейлер оның назарын аудару үшін әңгімеге тартты. Бойжеткеннің бір сәт тынышталып, көңілі басқа жаққа ауып кеткенін пайдаланған полиция аға лейтенанты Мират Мұратқанов оның қолынан ұстап, қауіпсіз жерге түсіреді.

Бойжеткеннің шарасыз қадамға жеке мәселелеріне байланысты барғаны белгілі болды.
Аға лейтенант Мират Мұратқанов полицияда 8 жыл қызмет етеді және бұл оның есебінен құтқарылған алғашқы өмір емес екенін айта кеткен жөн.

Төтенше жағдайларда әрекет ету дағдыларының арқасында полицейлер нәзік жандыны асығыс қадамнан мүмкіндігінше тез және шебер құтқара алды.

                                                                                                                                                                                         ШҚО ПД баспасөз қызметі