ШҚО тұрғыны тыйым салынған аймақта балық аулағаны үшін ұсталды

                                                                                   ШҚО тұрғыны тыйым салынған аймақта балық аулағаны үшін ұсталды

 

Күршім ауданында «Құқықтық тәртіп» жедел-профилактикалық іс-шарасын өткізу барысында полицейлер жыл бойы тыйым салынған шығанақ аймағында браконьерді анықтады.

Ауыл тұрғынын тінту кезінде тәртіп сақшылары оның торға салып аулаған балық ресурстарының бірнеше түрін тәркіледі, оның ішінде: көксерке – 15,1 кг, шортан – 32,7 кг, алабұға – 1,5 кг, қарақұйрық – 11,5 кг.

Заңсыз аулаудың жалпы салмағы 60 кг-нан асты, осылайша браконьер 350 000 теңге көлемінде залал келтірді.

Балықшыға қатысты келуге міндеттеу түріндегі процестік мәжбүрлеу шарасы таңдалды.

Осы факті бойынша ҚР ҚК-нің 335-бабы 1-бөлігі бойынша сотқа дейінгі тергеу басталды.

                                                                                                                                                                                         ШҚО ПД баспасөз қызметі