Зайсан ауданының тұрғынынан заңсыз қару табылды

                                                                                   Зайсан ауданының тұрғынынан заңсыз қару табылды

Зайсан ауданының полицейлері жедел-профилактикалық іс-шараларын жүргізу барысында аудан ауылдары бірінің 67 жастағы тұрғынын анықтады, одан 5,6 мм калибрлі "ТОЗ-8М" мылтығы тәркіленді.

Ер адамға қатысты келуге  міндеттеу түріндегі  процестік мәжбүрлеу шарасы таңдалды.

Аталған факті бойынша ҚР ҚК-нің 287-бабы 3-бөлігі (атыс қаруын заңсыз сатып алу, беру, өткізу, сақтау, тасымалдау немесе алып жүру) бойынша сотқа дейінгі тергеп-тексеру басталды. Қарудың табылуына қатысты мән-жай анықталып жатыр, тергеу қорытындысы бойынша процессуалдық шешім қабылданады.

Полиция департаменті Қазақстан Республикасы Қылмыстық кодексінің 287-бабына сәйкес заңсыз сақталған атыс қаруын, оқ-дәрілерді немесе жарылғыш заттарды өз еркімен тапсырған адамдар әкімшілік және қылмыстық жауаптылықтан босатылатынын еске салады.

 

                                                                                                                                                                                      ШҚО ПД баспасөз қызметі