Ауыл тұрғыны көлікті айдап кеткен

                                                                                   Ауыл тұрғыны көлікті айдап кеткен

Батальон қызметкерлері Донское ауылын патрульдеу кезінде 1991 жылы туған жүргізушінің басқаруындағы көлікті тоқтатқан.

Құжаттарды тексеру барысында аталған көлікті ер адам Ново-Явленка ауылынан айдап әкеткені анықталды. Сондай-ақ тексеру жүргізушінің жеңіл дәрежедегі масаң күйде болғанын көрсетті.

Қазіргі уақытта көлік құралы мамандандырылған тұраққа қойылды, ер адамға қатысты келуге міндеттеу түріндегі процестік мәжбүрлеу шарасы таңдалды.

Аталған факті бойынша ҚР ҚК - нің 200-бабы 1-бөлігі- ұрлау мақсатынсыз автокөлікті немесе өзге де көлік құралын заңсыз иемдену бойынша сотқа дейінгі тергеу басталды.

                                                                                                                                   ШҚО ПД баспасөз қызметі