Көші-қон қызметі инспекторының бір күні: азаматтарды қабылдаудан профилактикалық тексерістерге дейін

Көші-қон қызметі инспекторының бір күні: азаматтарды қабылдаудан профилактикалық тексерістерге дейін

Бүгін сіздерді Тарбағатай аудандық полиция бөлімі көші-қон қызметі тобының инспекторы, полиция аға лейтенанты Қадыров Мади Серікұлымен таныстырамыз. Ол ішкі істер органдарында 2023 жылдан бері қызмет атқарып келеді және осы уақыттан бері көші-қон қызметі тобының инспекторы лауазымын абыроймен атқарып жүр.

Инспектордың жұмыс күні міндеттерді айқындаудан және азаматтарды қабылдауға дайындықтан басталады. Күн бойы ол тұрғындарға жеке басты куәландыратын құжаттарды ресімдеу және ауыстыру, тұрғылықты жері мен уақытша болатын жері бойынша тіркеу мәселелері бойынша мемлекеттік қызметтер көрсетеді, сондай-ақ азаматтарға көші-қон заңнамасы бойынша түсіндірме жұмыстарын жүргізеді.

Сонымен қатар қызметкердің міндеттеріне шетелдік азаматтар мен азаматтығы жоқ адамдардың Қазақстан Республикасының көші-қон заңнамасын сақтауын бақылау, профилактикалық және түсіндіру жұмыстарын жүргізу, сондай-ақ құқық бұзушылықтардың алдын алуға бағытталған іс-шараларға қатысу кіреді.

Көші-қон қызметі бөлімшесіндегі қызмет жоғары жауапкершілікті, мұқияттылықты, сауаттылықты және әрбір азаматқа деген сыйластық қатынасты талап етеді. Полиция аға лейтенанты Мади Серикович Кадыровтың күнделікті еңбегі заңдылықты қамтамасыз етуге, азаматтардың құқықтарын қорғауға және халыққа сапалы мемлекеттік қызметтер көрсетуге бағытталған.

 

ШҚО ПД баспасөз қызметі