Полиция кинологының бір күні

Полиция кинологының бір күні

Қала әлі ұйқыда жатқанда, кинологтар өздерінің адал серіктерімен бірге кезекшілікке шығады. Қызметтік ит үшін бұл – жай ғана міндет емес, бұл – ізіне түсуге, тыйым салынған заттарды табуға, адамдарды іздеуге және қылмыстың ізін ашуға күн сайынғы дайындық.

Әрбір сенімді орындалған бұйрықтың артында талай сағатқа созылған жаттығулар, қатаң тәртіп және кинолог пен ит арасындағы ерекше байланыс жатыр. Мұнда тек кәсіби шеберлік қана емес, бір-біріне деген шексіз сенім маңызды.

Қызметтік иттер полицейлермен бірге қоғамдық шараларда қызмет атқарады, жедел іздестіру жұмыстарына қатысады және қала тыныштығын сақтауға көмектеседі. Олардың жұмысы төзімділікті, зейінділікті және кез келген сәтте жылдам қимылдауды талап етеді.

Кинологтың бір жұмыс күні – бұл жай ғана қызмет емес. Бұл – ерекше жауапкершілік пен өзара сенімге құрылған, қала тыныштығын күзеткен ерен еңбек. Олардың ортақ қызметі – біздің қауіпсіздігіміз бен бейбіт өміріміздің мызғымас кепілі.

 

ШҚО ПД баспасөз қызметі