Шахмат және қызмет: ШҚО полиция қызметкерлері «Senat Open» облыстық кезеңінің жүлдегерлері атанды
Шахмат және қызмет: ШҚО полиция қызметкерлері «Senat Open» облыстық кезеңінің жүлдегерлері атанды
31 мамыр күні Өскемен қаласында Қазақстан шахмат федерациясының Шығыс Қазақстан облысы бойынша филиалы және ШҚО Полиция департаментінің Арнайы және кәсіби даярлық басқармасының ұйымдастыруымен «Senat Open» III ашық кубогының ширек финалдық кезеңі өтті.
Ауқымды интеллектуалды турнирге іріктеу кезеңінен сүрінбей өткен облыстың 9 ауданынан 135 қатысушы жиналды. Жарысқа қалалық мәслихат депутаттары, мемлекеттік органдардың, білім, мәдениет, бұқаралық ақпарат құралдары, қоғамдық бірлестіктердің өкілдері, сондай-ақ өңірдің құқық қорғау және күштік құрылымдарының қызметкерлері қатысты.
Шахмат – бұл тек интеллектуалды спорт түрі ғана емес, стратегиялық ойлауды, төзімділікті, талдау қабілеті мен шешім қабылдау дағдыларын дамытудың тиімді құралы. Ішкі істер органдарының қызметкерлері үшін бұл қасиеттер қызметтік міндеттерді орындау және құқықтық тәртіпті қамтамасыз ету кезінде ерекше маңызға ие.
Турнир барысында қатысушылар жоғары дайындық деңгейін, зейінділік пен жеңіске деген ұмтылысты көрсетті. Әрбір партия дәл есеп пен уақыт тығыздығы жағдайында жедел шешім қабылдауды талап ететін тартысты және өте жауапты деңгейде өтті.
Жеңімпаздар мен жүлдегерлер
Жарыс қорытындысы бойынша Шығыс Қазақстан облысының полиция қызметкерлері күштік құрылымдар өкілдері арасындағы үздік ойыншылар қатарынан көрінді:
1-орын — Нұрболат Қажыкеберов, Өскемен қаласы ПБ ППБ;
2-орын — Эмиль Рахимжанов, Өскемен қаласы ПБ ППБ;
3-орын — Сейітқазы Ташкенов, Ұлан ауданы ПБ.
Турнир жеңімпазы, полиция аға лейтенанты Нұрболат Қажыкеберов «Senat Open» республикалық жобасының жартылай финалдық кезеңінде Шығыс Қазақстан облысының намысын қорғау құқығына ие болды.
Қызметкерлердің мұндай интеллектуалды және спорттық жарыстарға қатысуы қызметтік тәртіпті нығайтуға, кәсіби қасиеттерді дамытуға және жеке құрам арасында салауатты өмір салты мәдениетін қалыптастыруға ықпал етеді.
Жеңімпаздарды құттықтаймыз және республикалық турнирдің келесі кезеңінде лайықты өнер көрсетулеріне тілектеспіз!
ШҚО ПД баспасөз қызметі