ШҚТУ-дағы құқықтық диалог: 500 студент, шынайы фильмдер және маңызды сұрақтар

ШҚТУ-дағы құқықтық диалог: 500 студент, шынайы фильмдер және маңызды сұрақтар 

Бүгін Д. Серікбаев атындағы Шығыс Қазақстан техникалық университетінде мемлекеттік «Заң мен Тәртіп» тұжырымдамасын ілгерілету аясында ауқымды профилактикалық іс-шара өтті. Кездесуге жоғары оқу орнының 500-ге жуық білім алушысы қатысты.

Іс-шара бағдарламасы жастар арасындағы құқық бұзушылықтың алдын алуға бағытталды. Студенттердің назарына «Не книжные закладки» және «Хулиганка» атты екі қысқа метражды фильм ұсынылды.

Аталған туындылар Есірткі қылмысына қарсы іс-қимыл комитетінің тікелей қолдауымен ҚР Ішкі істер министрлігі тарапынан жастар арасындағы профилактикалық жұмыс жүргізу үшін арнайы түсірілгенін атап өткен жөн. Фильмдер есірткінің заңсыз айналымына қатысудың, сондай-ақ әкімшілік құқықбұзушылық жасаудың қатал шындығы мен ауыр зардаптарын айқын көрсетеді.

Кездесу тек фильм көрсетілімімен шектелмеді. Студенттер сюжеттерді асқан қызығушылықпен тамашалап, дискуссияға белсене араласты және тікелей қызықтырып жүрген маңызды сұрақтарына жауап алды.

Тәжірибедегі нақты жағдайларды талдап, заңды ерекшеліктерді түсіндіре отырып, шақырылған сарапшылар толық әрі егжей-тегжейлі жауап берді:
* Мади Қалиақпаров — ШҚО ПД Есірткі қылмысына қарсы іс-қимыл басқармасының (ЕҚҚІБ) жедел уәкілі, полиция аға лейтенанты;
* Бейбіт Иксанов — Үлбі полиция бөлімі №15 УПП учаскелік инспекторы, полиция подполковнигі;
* Аманкелді Дәрібаев — Үлбі полиция бөлімінің кәмелетке толмағандар істері жөніндегі инспекторы, полиция лейтенанты.

Мұндай ашық қарым-қатынас форматы жастарға өз құқықтарын біліп қана қоймай, қоғам алдындағы жеке жауапкершілігін сезінуге көмектеседі.

ШҚО ПД баспасөз қызметі