Заңға құрмет – өзіңді және өзіңнің қауіпсіздігіңді құрметтеу

Заңға құрмет – өзіңді және өзіңнің қауіпсіздігіңді құрметтеу

Құқық қорғау органдары оқу орындарының студенттерімен кездесулерді жалғастырып, құқық бұзушылыққа мүлдем төзбеушілікті қалыптастыруда. Осы жолы диалог алаңы Көлік және тіршілік қауіпсіздігі колледжінде өткізілді.

Диалог ашық форматта өтті: студенттер өздерін қызықтырған сұрақтарды қойып, құқықтық жауапкершілік пен өз құқықтарын қорғау туралы нақты түсінік алды.

Киберқылмыспен күрес басқармасының аға жедел уәкілі Нұрай Арыстанбек жастарға күнделікті өмірде кездесетін нақты қауіптері туралы айтып берді. Әңгіме интернеттегі қауіпсіздік, заңсыз әрекеттерге жауапкершілік және ойланбастан жасалған шешімдердің салдары туралы болды.

Сонымен қатар қаржылық қауіпсіздік мәселелері де қаралды. Прокуратура өкілдерімен бірлесіп студенттер қаржылық пирамидалардың қалай жұмыс істейтінін, экономикалық құқық бұзушылықтарға қатысудың қандай қауіптері бар екенін және күмәнді табыс көздеріне сыни тұрғыдан қараудың маңыздылығын білді.

«Заң – тек ереже жинағы ғана емес, ол жеке қауіпсіздіктің кепілі. Біздің мақсатымыз – жастардың бүгіннен бастап өз шешімдерінің себебін түсінуіне көмектесу», — деп атап өтті кездесуге қатысушылар.