ШҚО полицейлері қысқы тасжолда жүргізушілерге көмекке келді

                                                                                         ШҚО полицейлері қысқы тасжолда жүргізушілерге көмекке келді

2026 жылғы 02 қаңтар күні Өскемен – Семей автожолының 40-шақырымында қауіпсіздік талаптарының сақталмауы салдарынан үш автокөлік жолдан шығып кеткен. Бұған қауіпсіз жылдамдықтың дұрыс таңдалмауы, сондай-ақ жол жағдайы мен ауа райының ерекшеліктерінің ескерілмеуі себеп болған.

Шығыс Қазақстан облысы Полиция департаментінің патрульдік полиция батальонының экипажы жол қозғалысы қауіпсіздігін қамтамасыз етіп, жүргізушілерге қажетті көмек көрсетті және көлік құралдарын эвакуациялауға жәрдемдесті.

Полиция азаматтарды жол жүрісі қағидаларын қатаң сақтауға, қыс мезгілінде қауіпсіз жылдамдықты таңдауға, арақашықтықты сақтау мен рөлде аса мұқият болуға шақырады.

Өз қауіпсіздігіңізді және жол қозғалысының өзге де қатысушыларының өмірін сақтаңыздар.


                                                                                                                                                                                                               ШҚО ПД баспасөз қызметі