ШҚО-да «Бекет» жедел профилактикалық іс-шарасы жалғасуда

                                                                                           ШҚО-да «Бекет» жедел профилактикалық іс-шарасы жалғасуда

3 қыркүйектен бастап Шығыс Қазақстан облысы аумағында мал ұрлығын ашу және оның алдын алу, сондай-ақ мал мен ет өнімдерін заңсыз тасымалдау мен сатуға жол бермеу мақсатында «Бекет» профилактикалық іс-шарасы жалғасуда.

Іс-шара барысында полиция қызметкерлері Глубокое ауданы мен Риддер қаласы аумағында мал ұрлығымен айналысқан топты ұстады. Төрт ұрлық дерегіне қатысы бар екі ер адам ұсталып, келтірілген шығынның жалпы сомасы 1 миллион теңгеден асты.

Бұдан бөлек, ЖПІШ аясында 50-ден астам әкімшілік құқықбұзушылық анықталды. Полиция қызметкерлері малдың бақылаусыз жайылуын тексеруді күшейтіп, автокөліктерге, базарларға және сауда нысандарына тұрақты тексеру жұмыстарын жүргізуде. Өнімнің заңды шығу тегін растайтын ветеринариялық құжаттардың болуына ерекше назар аударылуда.

Шығыс Қазақстан облысының полициясы азаматтарға малды жаю, тасымалдау және ауыл шаруашылығы өнімдерін сату ережелерін сақтауды, сондай-ақ тиісті ветеринариялық құжаттарды алдын ала рәсімдеуді ескертеді.


                                                                                                                                                                                                               ШҚО ПД баспасөз қызметі