Өскеменде полицейлер жоғалып кеткен 14 жастағы қызды тапты

                                                                                         Өскеменде полицейлер жоғалып кеткен 14 жастағы қызды тапты

Шығыс Қазақстан облысының орталығында полиция қызметкерлері үш күн бойы іздестірілген 14 жастағы мектеп оқушысын іздеп тапты.

30 қазан күні «102» арнасына жасөспірімнің анасы хабарласып, қызы дүкенге шығып кеткенін және үйге оралмағанын айтқан. Оны іздеуге толықтай жеке құрам жұмылдырылды.

Кәмелет жасына толмаған қызды бейнебақылау камераларындағы жазбалардың көмегімен табу мүмкін болды.

Қазіргі уақытта қыз полиция бөліміне жеткізілді, жақын арада ол ата-анасына тапсырылатын болады. Жасөспіріммен және оның ата-анасымен профилактикалық әңгіме жүргізіледі.

Шығыс Қазақстан облысының Полиция департаменті ата-аналарды балаларына мұқият болуға және егер бала немесе туысқандары жоғалып кетсе өз бетінше іздестіруге уақыт жоғалтпай, дереу «102» нөмірі арқылы полицияға хабарласуға шақырады.


                                                                                                                                                                                                               ШҚО ПД баспасөз қызметі