Жүректен шыққан жылу: ШҚО полицейлері мектеп-интернат тәрбиеленушілеріне қолдау көрсетті

                                                                                              Жүректен шыққан жылу: ШҚО полицейлері мектеп-интернат тәрбиеленушілеріне қолдау көрсетті

1 қыркүйек қарсаңында Шығыс Қазақстан облысы Полиция департаментінің қызметкерлері қамқорлыққа алынған Өскемен қаласындағы Крупская атындағы орта мектеп-интернатының тәрбиеленушілерін барып құттықтады.

Құқық қорғаушылар биыл алғаш рет мектеп табалдырығын аттайтын жиырмадай болашақ бірінші сынып оқушыларына ерекше көңіл бөлді. Маңызды оқиғаға орай бүлдіршіндерге жаңа мектеп сөмкелері мен оқу үшін қажетті кеңсе тауарлары сыйға тартты.

Қамқорлыққа алынған мектеп-интернатқа қолдау көрсету — өңір полицейлері үшін біраз жылдан бері қалыптасқан дәстүр сынды. Тоғыз жылдан бері олар тәрбиеленушілерге тұрақты түрде қолдау білдіріп, мерекелік шаралар мен кездесулер ұйымдастырып, көмек көрсетіп келеді. Ал балалардың жүзіндегі күлкі — мұндай игі бастамалардың маңыздылығын дәлелдейтін ең жақсы көрсеткіш.


                                                                                                                                                                                                               ШҚО ПД баспасөз қызметі