ШҚО-да егіз қыздар алғашқы жеке куәліктерін алды

                                                                                             ШҚО-да егіз қыздар алғашқы жеке куәліктерін алды

Шығыс Қазақстан облысының Күршім ауылында Қазақстан Республикасының Конституция күні қарсаңында алғашқы жеке куәліктерді тапсыру рәсімі өтті. Құжаттарды 16 жасқа толған егіз қыздар – Құндыз бен Жұлдыз Мәдениетқызы иеленді.

Салтанатты шара аудандық полиция бөлімінде ұйымдастырылып, онда Күршім аудандық полиция бөлімінің бастығының орынбасары Еркінбек Қасдулаев жасөспірімдерге олардың алғашқы жеке куәліктерін салтанатты түрде табыстады. Ол бұл сәттің әрбір азаматтың өмірінде ерекше маңызға ие екенін атап өтті.

— Алғашқы жеке куәлікті алу – ересек өмірге жасалатын маңызды қадам. Оның Тәуелсіз Қазақстанның басты мерекесі – Конституция күні қарсаңында өтуі тіпті де мәнді, — деді ол.

2025 жылдың басынан бері Шығыс Қазақстан облысында 5 мыңнан астам жасөспірім өздерінің алғашқы жеке куәлігін алған. Полиция қызметкерлері өңірдің ең шалғай ауылдарын да қамтып, құжат рәсімдеу жұмыстарын жалғастыруда.


                                                                                                                                                                                                               ШҚО ПД баспасөз қызметі