ШҚО ПД Көші-қон қызметі құжаттандыру бойынша шараларды күшейтуде

                                                                                                  ШҚО ПД Көші-қон қызметі құжаттандыру бойынша шараларды күшейтуде

Шығыс Қазақстан облысы Полиция департаментінің Көші-қон қызметі жеке басын куәландыратын құжаттары жоқ азаматтарды анықтап, оларды құжаттандыру бойынша тұрақты түрде жұмыс жүргізуде. Бұл шара азаматтардың құқықтарын қорғауға, әлеуметтік қызметтерге қол жеткізуіне және қоғам өміріне толыққанды араласуына мүмкіндік береді.

Қазақстан Республикасының заңнамасына сәйкес, әрбір 16 жасқа толған азаматтың, тұрғылықты мекенжайына қарамастан, жеке басын куәландыратын құжаты болуы тиіс.

Полиция департаменті алғаш рет құжат рәсімдеу барысында қиындықтарға тап болған азаматтарға тұрғылықты жері бойынша көші-қон қызметі бөлімдеріне немесе 8 (7232) 234-246 байланыс телефоны арқылы хабарласуға болатынын еске салады.


                                                                                                                                                                                                               ШҚО ПД баспасөз қызметі