Бейбіт күннің байрағы

                                                                                                 Бейбіт күннің байрағы

Өскемен қаласында Қазақстан Республикасының Мемлекеттік рәміздері күніне орай патриоттық флешмоб өтті. Шараға Шығыс Қазақстан облысының полицейлері, 5518 әскери бөлімінің сарбаздары және Төтенше жағдайлар департаментінің қызметкерлері қатысты.

Іс-шара аясында ел бірлігінің, тәуелсіздіктің және мәңгілік құндылықтардың символына айналған Мемлекеттік Ту салтанатты түрде көтерілді.

Біз — әртүрліміз, бірақ бәрімізді біріктіретін ортақ құндылық бар — туған жерге деген сүйіспеншілік. Ал Мемлекеттік Ту – бұл біздің тарихымызды, тамырымызды, елдік мүддеміз бен бірлігімізді айқындайтын қасиетті рәміз.

Туымыз көкте желбіреп, аспанымыз әрдайым ашық болсын!

Қазақстан Республикасының Мемлекеттік рәміздері күні құтты болсын!


                                                                                                                                                                                                               ШҚО ПД баспасөз қызметі