Жезқазғанда криминалист оқушыларға дәріс оқыды

Жезқазған қаласы полиция басқармасының жедел криминалистика бөлімшесінің криминалисі Әли Еділ №3 жалпы білім беретін мектебінің 7-сынып оқушыларына өзінің кәсіби қызметі туралы қызықты дәріс оқыды. Кездесу барысында аға лейтенант Еділ Берікбайұлы оқушыларды криминалистік чемоданның құралдарымен таныстырып, оның қылмысты ашудағы маңызды рөлін түсіндірді. Жасөспірімдер криминалистика ғылымына деген зор қызығушылықтарын білдіріп, тәжірибелі криминалистке өздерін толғандырған көптеген сұрақтарды қойды.