Өңірде 17-20 наурыз аралығында «Мигрант» республикалық жедел-профилактикалық іс-шарасы өтуде.

Тәртіп сақшылары облыс аумағындағы көші-қон заңнамасының сақталуын қатаң бақылауға алды.

Жедел іс-шара аясында полиция қызметкерлері құрылыс нысандары мен базарларды, жалдамалы пәтерлер мен жатақханаларды тексеруде. Іс-шараның алғашқы екі күнінде полиция қызметкерлері 60-қа жуық құқық бұзушылықты әшкереледі. Оның ішінде:

1. Шетелдіктердің елде болу мерзімін өткізіп алуы;

2. Жұмыс берушілердің шетелдік азаматтарды заңсыз еңбекке тартуы;

3. Қабылдаушы тараптың (Қазақстан азаматтарының) көші-қон органдарына уақтылы хабар бермеуі.